"ПСЖ" мухлислари клуб раҳбариятининг ишидан норозилик билдиришди. Жамоанинг фаол тарафдорлари клуб штаб-квартираси олдида норозилик акцияси ўтказишмоқчи, деб хабар бермоқда RMC Sport нашри.
Мухлислар ҳаракатининг ижтимоий тармоқлардаги постида шундай дейилган: “Ўзгариш вақти келди. "ПСЖ" ўз қалбини, парижлик руҳини ва улуғворлигини қайта кашф қилиши керак. Акция тинч ўтади, ҳаммаси оқилона ва уюшқоқ бўлади".
Охирги баҳсда парижликлар ўз майдонида "Лорьян"га 1:3 ҳисобида мағлуб бўлди.
33-тур натижаларига кўра, "ПСЖ" Лига 1да энг яқин таъқибчисини беш очкога ортда қолдириб, пешқадамлик қилмоқда.
