"PSJ" muxlislari klub rahbariyatining ishidan norozilik bildirishdi. Jamoaning faol tarafdorlari klub shtab-kvartirasi oldida norozilik aksiyasi o‘tkazishmoqchi, deb xabar bermoqda RMC Sport nashri.
Muxlislar harakatining ijtimoiy tarmoqlardagi postida shunday deyilgan: “O‘zgarish vaqti keldi. "PSJ" o‘z qalbini, parijlik ruhini va ulug‘vorligini qayta kashf qilishi kerak. Aksiya tinch o‘tadi, hammasi oqilona va uyushqoq bo‘ladi".
Oxirgi bahsda parijliklar o‘z maydonida "Loryan"ga 1:3 hisobida mag‘lub bo‘ldi.
33-tur natijalariga ko‘ra, "PSJ" Liga 1da eng yaqin ta’qibchisini besh ochkoga ortda qoldirib, peshqadamlik qilmoqda.
