"Манчестер Юнайтед" ўз дарвозабони Давид де Хеани жамоада сақлаб қолмоқчи. Журналист Самуэль Лакхёрстнинг хабар беришича, “қизил иблислар” футболчининг амалдаги шартномасини жорий мавсум охиригача узайтиришга умид қилмоқда.
Эслатиб ўтамиз, аввалроқ "Манчестер Юнайтед" Де Хеа билан янги шартнома борасида келиша олмаганди. “Қизил иблислар” раҳбарияти Давиднинг маошини сезиларли даражада камайтиришини истамоқда. Ҳозир испаниялик дарвозабон ўз жамоасида энг кўп маош олувчи футболчилардан бири ҳисобланади.
Манбанинг таъкидлашича, "Манчестер Юнайтед" ҳам Маркус Рэшфорд ва Диого Далот билан шартномани узайтириш борасида музокаралар олиб бормоқда.
