Амстердамнинг "Аякс" клуби ярим ҳимоячиси Эдсон Альварес ёзда Германия Бундеслигасига кўчиб ўтиши мумкин. Журналист Кристиан Фалькнинг ёзишича, мексикалик футболчи ёзги трансферларда "Бавария"га ўтиши мумкин.

Альвареснинг "Аякс" билан шартномаси 2025 йилнинг ёзига қадар тузилган. Ушбу мавсум бошланишидан олдин ярим ҳимоячи Англия Премьер-лигасига ўтиши мумкин эди, аммо Амстердам клуби раҳбарияти Эдсонни Лондоннинг "Челси" жамоасига сотмасликка қарор қилди.

"Бавария" ўтган ёзда "Аякс"дан икки ўйинчи - Нуссер Мазрауи ва Райан Гравенберхни сотиб олганди. Ҳозирда иккаласи ҳам ўз позициясидан норози ва ёзда жамоани тарк этиши мумкин.