"Рома" ёзда жамоани тарк этиши мумкин бўлган ҳужумчиси Тэмми Абрахамнинг нархини эълон қилди. Calciomercato нашри хабарига кўра, Рим жамоаси ҳужумчи учун 40-45 миллион евро талаб қилади.
Абрахамнинг хизматларига Англия Премьер-лигасининг кўплаб клублари қизиқиш билдирмоқда. Футболчи ўзининг собиқ жамоаси "Астон Вилла", шунингдек, жорий мавсумда скаутлари Тэммини бир неча бор кузатган "Манчестер Юнайтед" билан боғланган.
Эслатиб ўтамиз, Абрахам 2021 йилнинг ёзида "Челси"дан атиги 40 миллион евро эвазига "Рома"га ўтган эди. Жорий мавсумда Тэмми Италия чемпионатида 8 та гол урди ва 3 та голли узатмани амалга оширди.
