«Манчестер Юнайтед»да «Бавария»дан ижара асосида ўйнаётган ярим ҳимоячи Марсель Забитцер Томас Тухель ҳақидаги саволга жавоб берди.
Австриялик футболчи январь ойида Мюнхендан Манчестерга кўчиб ўтди. Забитцернинг келажаги «Бавария»нинг янги бош мураббийининг режаларига боғлиқ бўлиши мумкин.
«Айни дамда мен Тухель билан гаплашганим йўқ. Энди ҳамма бор эътиборини ўз ишига қаратган. Келажакда биз ҳамма нарсани муҳокама қиламиз ва вазиятни хотиржам таҳлил қиламиз», - дея Забитцернинг сўзларини келтиради Sky Sports.
ОАВда бир неча бор хабар қилинганидек, ярим ҳимоячининг ўзи «Бавария»га қайтишни режалаштирмаяпти.
