«Лечче» Италия чемпионатининг ўттиз учинчи турида муҳим очколарни қўлга кирита олмади, жамоа гранд билан курашган бўлсада, «Ювентус»га сафарда мағлуб бўлди - 1:2.
«Лечче» устози Марко Барони сўнгги ўйиндан мамнун.
«Бу ўйинларда хатоликка йўл қўйиб бўлмайди. Менга жамоанинг ўйин кўрсатиши ёқди, бироқ биринчи бўлимда бизда босим етишмаган бўлса керак.
Иккинчи бўлим янада яхши ўтди, бизда гол уриш учун бошқа имкониятлар бўлди. Биз, албатта, «Ювентус» учун муаммоларни яратдик ва бундай ўйинлар келажакка ишончни уйғотади», - деди Барони.
«Лечче» кейинги турда «Верона»ни қабул қилади.
