Франциянинг «ПСЖ» жамоасида тўп тепаётган бразилиялик ҳужумчи Неймар «Барселона» формасида ўзи ва аргентиналик Лионель Мессининг сурати туширилган нашрга лайк босди.
Постга қуйидаги сўзлар қўйилган: «Ўшанда улар жуда хурсанд эдилар».
Эслатиб ўтамиз, Неймар ва Месси сўнгги пайтларда парижлик мухлислар томонидан танқид остига олинганди. Ҳар икки футболчи ҳам мавсум охирида жамоани тарк этиши мумкин.
Лионелнинг «ПСЖ» билан шартномаси шу мавсум охиригача ҳисобланган. Аргентиналик футболчи учун «Барселона» ва Саудия Арабистони кураш олиб боради.
Неймарга келсак, бразилияликнинг парижликлар билан шартномаси 2025 йилда якунига етади.
