"Бавария" ўйин амалиёти камлиги туфайли "Алянс Арена"ни тарк этмоқчи бўлган ярим ҳимоячи Раян Гравенберхни жамоада сақлаб қолмоқчи. Kicker.com нашрининг хабар беришича, “Бавария” раҳбарияти нидерландиялик ярим ҳимоячининг салоҳиятига ишонч билдирмоқда.
Гравенберхнинг ўзи "Бавария"ни тарк этмоқчи, чунки у клубдаги ҳолатидан норози. Футболчи "Ливерпул"га кетишга тайёр, аммо "Бавария" ўтган ёзда Амстердамнинг "Аякс" клубидан сотиб олган футболчи билан хайрлашишга ҳали тайёр эмас.
Қайд этилишича, "Бавария" раҳбарияти Гравенберхни сабрли бўлишга ундаган. Эслатиб ўтамиз, Раян бу мавсумда Бундеслига ўйинида жамоаси таркибида фақат бир марта майдонга тушганди.