Ҳуқуқлари "Бавария"га тегишли бўлган "Манчестер Юнайтед" ярим ҳимоячиси Марсель Забитцер Бундеслигадаги чемпионлик пойгаси ҳақидаги фикрлари билан ўртоқлашди.
"Бундеслигада ким ғолиб чиқади? Менимча, "Бавария". Ўтган ҳафта мен бунга янада амин бўлдим. Жамоанинг кийиниш хонасида катта тажриба бор, футболчилар нима хавф остида эканлигини билишади. Шу боисдан ҳам "Бавария" чемпионликни ҳимоя қилишига ишонаман" - дея Забитцер Bild билан суҳбатда.