Gazzetta dello Sport нашри хабарига кўра, "Ньюкасл" "Интер"нинг ўнг қанот ҳимоячиси Дензел Дюмфрисни ўз сафига қўшиб олмоқчи.

Милан клуби ёзда ўз футболчиларини сотишга тайёр ва улардан бири айнан 27 ёшли нидерландиялик футболчи бўлиб, унинг ўйинлари клуб раҳбариятига ёқмаяпти.

"Ньюкасл" эҳтимолий келишув ҳақида аллақачон маълумот олган. “Астон Вилла”, “Челси” ва “Манчестер Юнайтед” ҳам қанот ҳимоячисига даъвогарлик қилмоқда.

Жорий мавсумда Дюмфрис 43 ўйинда 2 гол ва 6 голли узатмани амалга оширди.

Transfermarkt портали унинг нархини 28 миллион еврога баҳоламоқда.