"Манчестер Сити" ярим ҳимоячиси Калвин Филлипс келаси мавсумда "Этиҳад"да қолишга қарор қилди. Журналист Алекс Крукнинг фикрича, англиялик ярим ҳимоячи Хосеп Гвардиола жамоасини кучайтиришга қодир эканлигига ишончи комил.
Филлипс ўтган ёзда "Лидс"дан 50 миллион евро эвазига "Манчестер Сити"га кўчиб ўтган эди. Калвин мавсум бошида жароҳат олди, шу сабабли у тезда жамоага қўшила олмади. Бош мураббий Хосеп Гвардиоланинг айтишича, инглиз ҳали ҳам мослашиш даврини бошдан кечирмоқда.
Эслатиб ўтамиз, Филлипс ҳозирда "Астон Вилла" қизиқишлари доирасида. Унаи Эмери шогирдлари келаси ёзда ярим ҳимоячининг трансфери учун курашишга тайёр.
