"Manchester Siti" yarim himoyachisi Kalvin Fillips kelasi mavsumda "Etihad"da qolishga qaror qildi. Jurnalist Aleks Krukning fikricha, angliyalik yarim himoyachi Xosep Gvardiola jamoasini kuchaytirishga qodir ekanligiga ishonchi komil.
Fillips o‘tgan yozda "Lids"dan 50 million yevro evaziga "Manchester Siti"ga ko‘chib o‘tgan edi. Kalvin mavsum boshida jarohat oldi, shu sababli u tezda jamoaga qo‘shila olmadi. Bosh murabbiy Xosep Gvardiolaning aytishicha, ingliz hali ham moslashish davrini boshdan kechirmoqda.
Eslatib o‘tamiz, Fillips hozirda "Aston Villa" qiziqishlari doirasida. Unai Emeri shogirdlari kelasi yozda yarim himoyachining transferi uchun kurashishga tayyor.













