"Барселона" ҳужумчиси Ферран Торресга Лондоннинг "Арсенал" клуби қизиқиш билдирмоқда. Аввалроқ Торрес хизматларига “Астон Вилла” қизиқаётгани ҳақида хабар берилганди.
TalkSport хабарига кўра, Каталония клуби ёзги трансфер ойнасида 23 ёшли испаниялик бўйича таклифларни кўриб чиқишга тайёр. Бироқ футболчининг ўзи "Барселона"да қолишни истайди. Эслатиб ўтамиз, Торрес "Арсенал" бош мураббийи Микель Артета билан "Манчестер Сити"даги биргаликдаги фаолияти орқали таниш.
Футболчи жорий мавсумда барча мусобақаларда 41 та ўйинда майдонга тушиб, 7 та гол урди ва 2 та голли узатмани амалга оширди. Transfermarkt экспертлари Торреснинг нархини 30 миллион еврога баҳоламоқда.
