"Ньюкасл" "Ницца" клубнинг энг яхши футболчиларидан бири - Кефрен Тюрам учун 60 миллион евро таклиф қилмоқчи. Бу ҳақида Football Insider нашри хабар тарқатди.

Ёш франциялик футболчи жорий мавсумда "Ницца" сафида барча турнирларда 45 та ўйинда майдонга тушиб, 2 та гол урди ва 2 та голли узатмани амалга оширди. У асосан ҳимоявий ярим ҳимоячи сифатида ўйнайди. Унинг “қизил-қоралар” билан шартномаси 2025 йилнинг ўрталарига қадар тузилган.

Эслатиб ўтамиз, келаси мавсумда "қарғалар" Чемпионлар лигасида ўйнаш эҳтимоли катта.

Шунингдек, ёш ҳимоячига "Ливерпуль" ва "Реал Мадрид" клублари қизиқиш билдиришган.