The Athletic журналисти Жеймс Пирснинг хабар беришича, "Ливерпуль" ярим ҳимоячиси Жеймс Милнер мавсум охирида жамоани тарк этади.
Олдинроқ "Брайтон" 37 ёшли англияликни ёзда текинга олмоқчи экани хабар қилинганди. "Ливерпуль" бош мураббийи Юрген Клопп Милнерни жамоани тарк этишни истамаганди.
Англиялик ярим ҳимоячи 2015 йилдан буён "Ливерпуль"да ўйнаб келмоқда. У аввалроқ “Манчестер Сити”, “Ньюкасл”, “Астон Вилла” ва “Лидс” клубларида ҳаракат қилган. У жорий мавсумда барча турнирларда 39 та ўйинда майдонга тушиб, 2 та голга ассистентлик қилди.













