Италия А Сериясининг 33-турида “Удинезе” ўз майдонида 4 май, пайшанба куни “Наполи”ни қабул қилди.

Учрашувнинг 13-дақиқасида “Удинезе” футболчиси Санди Ловрич гол уриб, ҳисобни очди. 52-дақиқада “Наполи” ҳужумчиси Виктор Осимхен ҳисобни тенглаштирди ва дуранг натижа учрашув якунигача сақланиб қолди.

Мазкур натижадан кейин Неапол клубининг очколари 80 тага етди ва жамоа мавсум якунланишига 5 тур қолганда муддатидан олдин Италия чемпионлигини қўлга киритди.

“Наполи” бунгача 33 йил давомида Скудеттога эга чиқолмаганди. Неаполликлар ўз тарихида учинчи марта Италия чемпионига айланди.

А серия, 33-тур баҳси
4 май, пайшанба
“Удинезе” — “Наполи” 1:1
Голлар: 1:0 – 13 Ловрич, 1:1 – 52 Осимҳен.
“Удинезе”: Силвестри, Эхизибуэ (Эбоселе, 82), Родриго Бекао, Перес, Биёл, Удожи (Зегелар, 74), Перейра, Уолас, Ловрич (Арслан, 78), Самаржич (Товен, 82), Несторовски.
“Наполи”: Мерет, Ди Лоренцо, Раҳмани, Ким Мин Чже, Оливейра, Лоботка, Замбо-Ангисса, Ндомбеле (Зелиньски, 64), Элмаз, Кварацхелия (Лосано, 86), Осимхен.
Огоҳлантириш: Эхизибуэ (17)