Англия чемпионатининг 28-тури доирасида қолдирилган сўнгги ўйин бўлиб ўтди. Европа лигаси йўлланмаси учун кураш олиб бораётган «Брайтон» ўз майдонида кучли учликка ҳаракат қилаётган «Манчестер Юнайтед»ни қабул қилди.

Ўйин бошида Антони қулай вазиятда аниқ зарба йўллай олмаган бўлса, кейинчалик мезбонлар футболчиси Митома иккита имкониятни қўлдан чиқарди. Танаффусга қадар жамоларда яна 1-2 тадан қулай вазиятлар бўлди, аммо дарвозабонлар яхши ҳаракат қилишди.

Иккинчи бўлимда эса ўйин сўнггига қадар деярли хавфли вазият бўлмади. Ўйинга қўшиб берилган 7-дақиқада эса ҳакам VAR ёрдамида "МЮ" дарвозасига пенальти белгилади: тўп Люк Шоунинг қўлига тегди. 90+9-дақиқада эса Маккалистер пенальтидан унумли фойдаланиб, "Брайтон"га ғалабани тақдим этди.

"Юнайтед" ушбу мағлубият туфайли 4-поғонада қолди. "Брайтон" эса ўз очколарини 55 тага етказиб, жадвалда 6-поғонага кўтарилиб олди.

Англия чемпионати, 28-турнинг қолдирилган ўйини
Брайтон – Манчестер Юнайтед 1:0 (0:0, 1:0)
Гол: 1:0 – 90+9, пенальти Мак Аллистер.
Брайтон – Стил, Данк, Уэбстер, Эступиньян, Мак Аллистер, Гилмор (Колуилл, 75), Энсисо, Митома, Буонанотте (Марч, 63), Кайседо, Уэлбек (Ундав, 75).
Манчестер Юнайтед – Де Хеа, Уан-Биссака, Шоу, Линделеф, Диогу Далот, Каземиро, Фред (Забитцер, 76), Бруну Фернандеш, Антони (Санчо, 76), Марсьяль (Вегорст, 84), Рэшфорд.
Огоҳлантиришлар: Каземиро (44), Уэбстер (52), Диогу Далот (59), Данк (70), Антони (70), Колуилл (77), Кайседо (86), Шоу (90).