Каталониянинг «Барселона» клубининг даниялик ҳимоячиси Андреас Кристенсен Англия премьер-лигасига қайтиши мумкин.
Илгари у Туманли Албионда Лондоннинг «Челси» жамоасида ўйнаган.
Fichajes журналистлари хабарига кўра, футболчини «Манчестер Юнайтед» ўз сафига қўшиб олмоқчи.
«Қизил иблислар» устози Эрик тен Хаг бу келишув ташаббускори ҳисобланади. «Манкунианликлар» Кристенсеннинг трансфери учун 70 миллион евро ажратишга тайёр.
27 ёшли ҳимоячи 2022 йилнинг ёзида «Барселона»га ўтган эди. Унинг клуби билан шартномаси 2026 йилгача мўлжалланган.













