Мадриднинг “Реал” клуби президенти Флорентино Перес Испания чемпионатининг сўнгги турида “қаймоқранглилар”нинг мағлубиятидан сўнг клуб бош мураббийи Карло Анчелотти билан учрашди. Эслатиб ўтамиз, "Қироллик клуби" сафарда "Реал Сосьедад"га 0:2 ҳисобида мағлуб бўлиб, натижада чемпионатда учинчи ўринга тушиб кетди.
Marca хабарига кўра, Анчелотти ва Перес учрашувда жамоанинг муаммолари ва уларни ҳал қилиш йўлларини муҳокама қилишган. Эртага Мадриднинг “Реал” клуби Испания кубоги финалида “Осасуна”га қарши ўйнайди, шундан уч кун ўтиб Анчелотти жамоаси “Манчестер Сити” билан Чемпионлар лигасининг илк ярим финалида ўйнайди.