Madridning “Real” klubi prezidenti Florentino Peres Ispaniya chempionatining so‘nggi turida “qaymoqranglilar”ning mag‘lubiyatidan so‘ng klub bosh murabbiyi Karlo Anchelotti bilan uchrashdi. Eslatib o‘tamiz, "Qirollik klubi" safarda "Real Sosyedad"ga 0:2 hisobida mag‘lub bo‘lib, natijada chempionatda uchinchi o‘ringa tushib ketdi.
Marca xabariga ko‘ra, Anchelotti va Peres uchrashuvda jamoaning muammolari va ularni hal qilish yo‘llarini muhokama qilishgan. Ertaga Madridning “Real” klubi Ispaniya kubogi finalida “Osasuna”ga qarshi o‘ynaydi, shundan uch kun o‘tib Anchelotti jamoasi “Manchester Siti” bilan Chempionlar ligasining ilk yarim finalida o‘ynaydi.