“Ливерпуль” ярим ҳимоячиси Жеймс Милнер келаси мавсумда Англия Премьер-лигасининг бошқа жамоаси шарафини ҳимоя қилади. Журналист Фабрицио Романо ижтимоий тармоқларда “Брайтон” инглиз фахрийсининг трансфери бўйича келишиб олганини тасдиқлади.
Қайд этилишича, Милнер келаси мавсум охиригача “чағалайлар” билан шартнома имзолайди. Трансфер текинга амалга оширилади, чунки Жеймснинг "Ливерпуль" билан амалдаги шартномаси тугайди.
Манбанинг таъкидлашича, томонлар трансфернинг барча тафсилотлари бўйича келишиб олган. Милнер "Ливерпуль"да 2015 йилдан бери ўйнаб келмоқда, у "Манчестер Сити"дан текинга ўтган. Юрген Клопп жамоасида англиялик барча мумкин бўлган совринларни қўлга киритди.
