«Тоттенхэм» дарвозабони Уго Льорис бу мавсумда бошқа майдонга туша олмайди.

Эслатиб ўтамиз, 36 ёшли дарвозабон мушак жароҳати туфайли АПЛнинг 32-туридан ўрин олган «Ньюкасл» билан ўйинни давом эттира олмади ва «шпорлар» 1:6 ҳисобида мағлубиятга учради.

«Тоттенхэм» бош мураббийи Райан Мэйсон матбуот анжуманида Льориснинг жорий мавсум якунига қадар сафдан чиққани ва жамоа вазиятдан жуда хафа эканлигини айтди.

Льорис жорий мавсумда барча мусобақаларда 31 та ўйинда майдонга тушиб, 45 та гол ўтказиб юборган ва 9 марта ўз дарвозаси дахлсизлигини сақлаб қолган.

«Тоттенхэм» 34 ўйиндан сўнг 54 очко билан АПЛ турнир жадвалида 7-ўринда бормоқда.