Англия премьер-лигасининг келаси мавсумидан бошлаб мухлислар ВАР тизимидаги ҳакамлар суҳбатини эшитишлари мумкин бўлади, деб хабар беради Британиянинг Daily Mail таблоиди.
Ҳозирда Премьер-лига клублари билан ўйинлардан сўнг мухлисларга ҳакамлар суҳбатини, шу жумладан ВАРдаги баҳсли масалаларни муҳокамасини тинглаш имконини бериш режаларини кўриб чиқмоқда.
Тизим раҳбари Ховард Уэбб янгилик тарафдори. У бу ғояни ўтган декабрь ойида лавозимга киришганидан бери қўллаб-қувватлаб келади.
Манбага кўра, Халқаро футбол федерациялари кенгаши аудиоёзувларни оммага ошкор этишда муаммо кўрмаяпти.
Қайд этилишича, таклиф этилаётган ғоя инглиз клубларида ҳам, ҳакамлар орасида ҳам ижобий қабул қилинган.
