«Реал Мадрид» ярим ҳимоя чизиғи «Осасуна»га қарши Испания кубоги финалида қандай кўриниш олиши маълум бўлди.

Marca хабарига кўра, «қироллик клуби»нинг асосий таркибида Аурелиен Тчуамени, Тони Кроос ва Федерико Вальверде майдонга тушади.

Лука Модрич курашни захира ўриндиғида бошлайди. Эслатиб ўтамиз, хорватиялик футболчи жароҳати туфайли сўнгги ўйинларни ўтказиб юборганди, бироқ яқинда мураббийлар штаби ярим ҳимоячи Испания кубоги финалига қадар тузалиб кетишига умид қилганди.

Эслатиб ўтамиз, «Реал» сўнгги бор 2013/14 йилги мавсумда Испания кубогини қўлга киритган, ўшанда Карло Анчелотти жамоаси финалда «Барселона»ни мағлуб этганди.

Бу таркибдан «қаймоқранглилар» лагерида фақат Начо Фернандес, Лука Модрич, Карим Бензема ва Дани Карвахаль қолди.