Каталониянинг “Барселона” клуби раҳбарияти ярим ҳимоячи Френки де Йонг ва дарвозабон Марк-Андре тер Штегендан маошини камайтиришни сўради.

Бу ҳақда Mundo Deportivo нашри хабар бермоқда. Шу йўл билан Каталония гранди раҳбарияти клубнинг молиявий аҳволини нормаллаштирмоқчи.

"Барселона" Испания Ла Лигасида чемпионликни муддатдан олдин қўлга киритишга жуда яқин турибди. 33 турдан кейин Хави Эрнандес шогирдлари 82 очко жамғариб, турнир жадвалида иккинчи ўриндаги “Атлетико”ни 13 очкога ортда қолдирмоқда.

Кейинги ўйинда "Барселона" сафарда "Эспаньол"га қарши ўйнайди.