Мадриднинг “Реал” клуби президенти Флорентино Перес жамоанинг жорий мавсумдаги тақвимидан норозилигини билдирди.
"Барча унвонлар катта куч ва қурбонликни талаб қилади. Энди жамоа дам олиши керак. Лекин бизга вақт етарли эмас, бу ҳақиқат. Тақвимни ким тузаётганини билмайман, лекин уни кўриб чиқиш керак", - деди Флорентино Перес AS билан суҳбатда.
Эслатиб ўтамиз, Испания кубоги финалида "Реал Мадрид" "Осасуна" устидан 2:1 ҳисобида ғалаба қозонган эди. Бразилиялик ҳужумчи Родриго дубл қайд этди.
"Қироллик клуби"нинг навбатдаги ўйини Чемпионлар лигаси ярим финалида "Манчестер Сити"га қарши бўлади. Учрашув 9 май куни Мадридда бўлиб ўтади.
