"Атлетико Паранаэнсе"нинг 18 ёшли ҳужумчиси, ўз авлодининг энг иқтидорли футболчиларидан бири Витор Роке "Барселона"дан бошқа ҳеч қандай Европа жамоасига ўтиш ниятида эмас. Бу ҳақда журналист Хоаким Пьера хабар тарқатди.
Вундеркинднинг оиласи ҳам шундай фикрда, улар бу жамоага ўтишни кутиш ниятида ва "Барселона"нинг молиявий муаммолари туфайли турли трансфер вариантларини кўриб чиқишмоқда. Роке 2023 йилнинг ёзги трансфер ойнасида "кўк-анорранглилар" билан шартнома имзолаши ва бир мавсумдан кейин жамоага ўтиши мумкин.
Витор Роке Бразилия терма жамоасида 2023 йилнинг март ойида Марокашга қарши ўртоқлик ўйинида (1:2) захирадан майдонга тушган эди. У жорий мавсумда “Атлетико Паранаэнсе” таркибида 14 та ўйинда майдонга тушиб, 6 та гол урди ва 2 та голли узатмани амалга оширди.
Қайд этиш керакки, футболчининг отаси Ювенал Феррейра баҳорда Европанинг етакчи клублари базаси бўйлаб гастрол сафари уюштириб, ўғлининг ушбу жамоаларга ўтиши борасида музокаралар олиб борган эди.
