"Манчестер Юнайтед" ёзги трансфер ойнасида ўз таркибини кучайтиришни режалаштирмоқда. "Қизил иблислар" эътиборини Ким Мин Чжега қаратмоқда. Жанубий кореялик футболчи "Наполи"да ажойиб мавсум ўтказди ва ёзда уни қўлга киритиш учун шиддатли кураш олиб борилади.
Corriere dello Sport нашри хабарига кўра, "Манчестер Юнайтед" Кимни қўлга киритишни режалаштирган. Клуб 26 ёшли ҳимоячи учун 60 миллион евро таклиф қилади. Футболчининг "Наполи" билан тузилган шартномасида товон пули 45 миллион евро этиб белгиланган.
"Қизил иблислар"нинг фикрича, товон пулининг кўпроқ таклиф қилиниши "Наполи"ни дарҳол музокара столига ўтиришга мажбур қилади.
