“Зенит” Россия чемпионатининг 26-туридан ўрин олган ўйинда “Спартак”ни қабул қилди ва 3:2 ҳисобида ғалаба қозонди.

Ҳисоб 13-дақиқада мезбонлар ярим ҳимоячиси Клаудинё томонидан очилган бўлса, 33-дақиқада қизил-оқлар ҳужумчиси Кейта Бальде ҳисобни тенглаштирди. 39-дақиқада Андрей Мостовой яна петербургликларни олдинга олиб чиқди.

Иккинчи бўлим, 75-дақиқада “Спартак” ҳимоячиси Алексис Дуарте майдондан четлатилди. 10 дақиқадан сўнг меҳмонлар ярим ҳимоячиси Промес пеналтини аниқ амалга ошириб, учрашувда ҳисобни тенглаштирди. 90+1-дақиқада Иван Сергеев гол уриб жамоасини яна олдинга олиб чиқди.

Шу тариқа, "Зенит" қаторасига бешинчи марта Россия чемпионига айланди.