Мюнхеннинг Бавария клуби бош мураббийи Юпп Хайнкесс БАТЭга қарши учрашувдаги мағлубият (1:3) борасида ўз фикрлари билан ўртоқлашди.

«Билдимки, БАТЭ жуда яхши ташкил қилинган, тартибли жамоа экан. Бугунги учрашувдан кейин борисовликларнинг футболни жуда яхши ўзлаштиришганига гувоҳ бўлдим. Бугунги учрашувда жамоанинг ҳимояда зич ўйнаганинини ҳам қайд этиб ўтган бўлардим».

«Мен бугун ҳужум чизиғини кучайтириш учун бир қатор ўзгаришларга қўл ургандим. БАТЭ асосан орқа чизиқда ўйнагани учун шундай қарорга келгандим. Мен рақибни мақтаб қўйишни истардим. Уларга келгуси учрашувларда ҳам омад тилайман».

«БАТЭнинг ЕЧЛдаги кейинги тақдири нима бўлади? Ўйлашимча, чемпионлар лигасида кучсиз рақибнинг ўзи йўқ. Уларда олға бориш учун яхши имконият вужудга келган. Шу жумладан биз ҳам ҳали барча нарсани йўқотганимиз йўқ. Биз ҳам ўйнашда давом этамиз», дея Хайнкесснинг сўзларидан иқтибос келтирмоқда «Прессбол» нашри.