“Наполи” ҳужумчиси Ирвинг Лосано ёзда Италияни тарк этиши мумкин.
Correira Dello Sport хабарига кўра, мексикалик футболчи Англия Премьер-лигасининг бир қанча клублари эътиборини тортган. Лосано вакиллари яқинда футболчи билан учрашиб, унинг келажакдаги режалари ҳақида билишган, яқин орада мексикалик агент "Наполи" билан музокара олиб бориши керак. Қайд этилишича, неаполликлар Ирвингни сақлаб қолишни хоҳлашади, аммо ҳужумчининг маошини камайтиришлари мумкин.
Лосано жорий мавсумда 3 та гол урди ва 3 та голли узатмани амалга оширди ва Неаполь клубининг чемпион бўлишига ҳисса қўшди.
