Кристоф Галтье Лига 1да «ПСЖ»нинг «Труа» устидан қозонилган ғалабасини (3:1) муҳим деб атади.

«Жамоа учрашувга жиддий ёндашди, мақсадли ва уюшқоқлик билан ўтди. Биз курашда яхши ўйнадик ва «Труа»га кўп ҳужум қилишига йўл қўймадик.

Бу чемпионлик пойгасидаги муҳим ғалаба. Шанба кунги ўйинни томоша қилдим. «Лан» «Марсел»ни 2:1 ҳисобида мағлуб этди ва иккинчи ўринда, у жуда самарали, жуда қийин рақиб.

Мавсумнинг иккинчи қисми биз учун қийин кечди. Бугун биз ғалаба қозонишимиз керак эди. Мен футболчиларга ҳал қилувчи ўйинлар даврини бошлаётганимизни ва ғалаба қозониш учун ҳаракат қилишимиз кераклигини айтдим», - деди «ПСЖ» бош мураббийи.