"Рома" бош мураббийи Жозе Моуриньо Италия клубини тарк этиши мумкинлиги ҳақида гапирди.
Аввалроқ португалиялик мутахассис фаолиятини "ПСЖ"да давом эттириши мумкинлиги ҳақида хабарлар тарқалган эди. Унинг "Рома" билан шартномаси 2024 йилнинг ёзига қадар мўлжалланган.
Моуриньонинг сўзларига кўра, у бу мавзуда ҳеч ким билан мулоқот қилмаган, шунинг учун ҳам вазиятни ҳар ким ўзича талқин қилиши мумкин.
"Вазият аниқ, шартнома нуқтаи назаридан, менда ҳали бир йил шартнома бор. Футбол - бу футбол, баъзида шартномалар энг муҳим нарса эмас. Ҳаммаси яхши, ҳаммаси тинч, кейинги ўйин ҳар доим энг муҳими”, - дея Моуриньонинг сўзларини келтиради Metro.
Италия А сериясининг 34-туридан кейин “Рома” 58 очко билан турнир жадвалида 7-ўринда бормоқда.