Хабарингиз бор, Қозоғистоннинг Sports.kz сайти "Олмос" совринини жорий қилиб, 2011 йилдан бошлаб ҳар бир ойда Қозоғистон Премьер-лигасининг энг яхши футболчисини аниқлаб келмоқда.
2011 йилнинг июнь ва август ойларида "Жетису" футболчиси Улуғбек Бақоев ойнинг энг яхши футболчиси деб топилганди ва мавсум сўнгида БАА чемпионатига йўл олганди. Sports.kz сайти ҳужумчига аталган совринни ҳали топширмаганди. Диплом топшириш маросими эса кеча ўтказилди. 
Шунингдек, 2012 йилнинг июль ойида ҳамюртимиз Марат Бикмаев Премьер-лиганинг энг яхши футболчиси деб топилганди. "Актобе" футболчисига ҳам махсус диплом кеча тақдим этилди.
