Бир неча йил олдин "Манчестер Юнайтед" "Барселона"га қанот ҳужумчиси Ансу Фати учун қиммат таклиф билан чиққан эди.
Сaught Offside нашрининг хабар беришича, ўшанда "қизил иблислар" 150 миллион евро таклиф қилган, бироқ собиқ президент Хосеп Бартомеу бошчилигидаги “Барселона” раҳбарияти футболчини сотмасликка қарор қилганди.
Ҳозир "Барселона" Рубен Невеш ва 30 миллион евро эвазига Фатини "Вулверхэмптон"га беришга тайёр.
Кўп йиллар олдин рад этилган таклифга қарамай, "Манчестер Юнайтед" ҳали ҳам 20 ёшли испаниялик вингерни ўз сафига қўшиб олмоқчи. Шунингдек, Фати "Тоттенхэм", "Бавария" ва "ПСЖ" қизиқишлари доирасида.
