Донецкнинг "Шахтёр" клубига қарши ўйиндан сўнг "Динамо" бош мураббийи Мирча Луческу келажакда жамоани вақтинча Александр Шовковский бошқариши ва ўзи операция қилинишини маълум қилди:
"Бундан буён Шовковский "Динамо" бош мураббийи вазифасини бажарувчи ҳисобланади. Мен соғлигим ёмонлашгани туфайли таътилга чиқдик, оёғимни операция қилишим керак. Операцияга бошқа давлатга боришим мумкин эди, аммо жамоага яқин бўлиш учун Киевда қолмоқчиман" - Луческу.
Аввалроқ Луческу ўзининг ташхиси - коксартроз ҳақида ҳам гапириб ўтганди: "Биз Европа мусобақаларида ўйнаганимизда, биз доимо автобусда саёҳат қилардик - ҳар сафар 10 соат. Ўша пайтда мен кунига 7-8 соат ишлаганман. Натижада менда коксартроз пайдо бўлди. Имконим етгунча ишлайман. Аммо акс ҳолда мени операция қилиши керак бўлади" - деганди.
Игорь Бурбаснинг айтишича, операция яқин кунларда бўлиб ўтади.
