Бугун ўзбек футболида 2та муҳим халқаро ўйинлар бўлиб ўтади ва ҳар иккала ўйин деярли бир вақтда бошланади. Тошкент вақти билан соат 18:30да Ўзбекистон ўсмирлар терма жамоаси Эронга қарши финалга чиқиш кураш олиб борса, соат 19:00да "Бунёдкор" Австралиянинг "Аделаида Юнайтед" клуби билан ОЧЛ ярим финал йўлланмаси учун баҳслашади.

"Спорт" телеканали "Жар" бўлиб ўтадиган ўйинни тўғридан-тўғри трансляция қилишни режалаштирган. Соат 18:00дан бошлаб эса студияда бирорта мутахассис билан суҳбат уюштирилади.

Ўзбекистон ва Эрон ўсмирлар терма жамоалари ўртасидаги ўйин ҳам ўта қизиқарли кечиши кутилмоқда. Боиси, ҳар иккала жамоа бош мураббийлари мусобақада ғолиб чиқишни кўзлаётганини таъкидлаб ўтишди. Кўрамиз, бугун қайси мураббий танлаган йўл самара бериб, жамоалардан қайси бири финалга чиқаркан.

Ушбу ўйинга бўлган қизиқишни инобатга олиб, Ўзбекистон U16 - Эрон U16  ўйинини сайтимиз орқали матнли трансляция қилишга қарор қилдик. Std.uz шу пайтгача ушбу мусобақадан битта ўйинни матнли трансляция қилишга улгурди. Гуруҳнинг 3-тур ўйинлари ўта драматик тарзда кечди ва сўнгги сонияларда Ҳиндистон томонидан киритилган гол Суриядан учралган мағлубиятга қарамай, Ўзбекистон чорак финалга олиб чиққанди. Чорак финалда эса Жанубий Корея мағлуб этилди!

Демак, яна шундай ҳаяжонли дамларда биз билан бўлинг. Ўйинга 1,5 соат вақт қолганида ҳар иккала жамоа таркиблари маълум бўлади. Матнли трансляцияни кузатиб бориш учун эса қуйидаги ҲАВОЛАни босинг.