Қатар мезбонлик қилаётган дзюдо бўйича жаҳон чемпионатининг иккинчи куни ҳам Ўзбекистон терма жамоаси учун муваффақиятли ўтмоқда. Ҳамюртимиз Диёра Келдиёрова -52 кг вазн тоифасида финал йўлланмасини қўлга киритди.
Дзюдочимиз икинчи даврадан баҳсларга қўшилиб, дастлаб испаниялик рақибини мағлубиятга учратди. Учинчи босқичда у билан тўқнаш келиши кутилган нариги жуфтликдаги ҳар икки спортчи ҳам дисквалификация қилингач, Келдиёрова чорак финалга тўғридан тўғри йўл олди. Ярим финал остонасида исроиллик Гефен Примо, финал йўлида эса венгриялик Река Пупп ҳам мағлуб этилди.
Энди у чемпионлик учун амалдаги жаҳон ва Олимпиада чемпиони япониялик Ута Абе билан курашади.
