«ПСЖ» ҳужумчиси Неймар фаолиятини қаерда давом эттириши ҳақида бир қарорга келди.
Бу ҳақда Бруно Андраде хабар берди. Эслатиб ўтамиз, футболчи 2017 йилда Париж клубига ўтган эди.
Манбага кўра, парижликлар бразилияликни сотмоқчи. Улар трансферни осонлаштириш учун буни унга очиқ айтишди.
Бразилиялик юлдуз клуб раҳбариятининг таклифига илк бор рози бўлди ва Париждан кўчиб ўтиш вариантини кўриб чиқмоқда. Англия Премьер-лигаси у фаолиятини давом эттириш учун афзал йўналиш сифатида кўрилмоқда.
Жорий мавсумда ҳужумкор футболчи Франциянинг топ-клуби сафида миллий чемпионатда 20 та ўйин ўтказди. Уларда у 13 та гол урди ва 11 та голли узатмани амалга оширди.
