«PSJ» hujumchisi Neymar faoliyatini qayerda davom ettirishi haqida bir qarorga keldi.

Bu haqda Bruno Andrade xabar berdi. Eslatib o‘tamiz, futbolchi 2017 yilda Parij klubiga o‘tgan edi.

Manbaga ko‘ra, parijliklar braziliyalikni sotmoqchi. Ular transferni osonlashtirish uchun buni unga ochiq aytishdi.

Braziliyalik yulduz klub rahbariyatining taklifiga ilk bor rozi bo‘ldi va Parijdan ko‘chib o‘tish variantini ko‘rib chiqmoqda. Angliya Premyer-ligasi u faoliyatini davom ettirish uchun afzal yo‘nalish sifatida ko‘rilmoqda.

Joriy mavsumda hujumkor futbolchi Fransiyaning top-klubi safida milliy chempionatda 20 ta o‘yin o‘tkazdi. Ularda u 13 ta gol urdi va 11 ta golli uzatmani amalga oshirdi.