«ПСЖ» ва Мессининг ажралиши анча яқин бўлиб кўринади. Саудия Арабистонига сафари Мессининг Париж клуби томонидан жазоланиши билан якунланди. Марко Кирдемир - ФИФА агенти, Ал-Хелайфи ва Саудия Арабистони қироли билан яхши муносабатда бўлиб, аргентиналикнинг келажагини билишини даъво қилмоқда.

Кирдемир «Барселона» варианти бекор қилинганини тан олди: «У «Барселона»га бормайди. У нафақага чиққанидагина бу ерга қайтиши мумкин холос».

«Ал-Ҳилол»дан ўта қиммат таклиф

«ПСЖ» билан шартномани узайтириш ҳақида гап бўлмаса, Месси Саудия Арабистонига йўл олмоқчи: «Ал Ҳилол»дан 600 миллион доллар таклиф бор», - деди Кирдемир.

«Месси бу таклиф билан танишиш, яшаши мумкин бўлган жойни кўриш учун ушбу мамлакатга борди; оиласи рози бўлса Саудия Арабистонида ўйнайди».

Бир неча ой олдин Марко Мадридга Месси билан жуда муҳим учрашув ўтказиш учун марказий мавзу сифатида борди: «Биз меҳмонхонада Саудия Арабистони федерацияси делегатлари билан учрашдик ва у ҳақида гаплашдик».

Мессининг Саудия Арабистонида бўлиши ҳозирги клуби билан қарама-қаршиликка сабаб бўлди, чунки Саудиянинг Қатар билан айрим муаммолари бор ва асосий рақобатчи мамлакатлар ҳисобланади. «Агар у Қатар билан муаммоси бўлмаган давлатга борганида эди, бу қадар кўп мунозаралар бўлмасди. Бу «ПСЖ»ни ғазаблантирди», - деди Кирдемир.

Ал-Хелайфи фақат Мессидан жаҳли чиқмаяпти. Чоршанба куни тушдан кейин Париж клубининг юзлаб мухлислари аргентиналик футболчининг ҳаракатларидан норозилигини билдирди.

Саудия давлати аниқ мақсад билан дунёнинг энг яхши лигасини яратишга аҳд қилди: 2030 йилги жаҳон чемпионатига мезбонлик қилиш. Бунда пул муаммо бўлмайди: улар имкон қадар кўпроқ пул сарфлашашга тайёр.

Лео Месси Саудия таклиф қилган ягона футболчи эмас. Серхио Рамосга ҳам таклиф билан чиқилган. Шунингдек, Лука Модричга ҳам таклиф тушган, лекин у рад жавобини берган.