«Барселона» ҳужумчиси Роберт Левандовски Каталония клубидаги биринчи мавсуми ҳақидаги таассуротлари билан ўртоқлашди.

«Менда ҳаммаси яхши. Мен жуда бахтлиман. Бизда чемпионликни қўлга киритиш учун яхши имконият бор ва бу унвон клуб учун жуда ва жуда муҳим.

Ҳали кураш давом этмоқда, биз тўғри йўлдамиз. Умид қиламанки, бу соврин кейинги мавсумда янада кўпроқ ғалаба қозониш учун биринчи қадам бўлади.

Бизда ҳали катта чемпионликни қўлга киритмаган кўплаб ёш футболчилар бор ва ғалаба қозониш уларнинг ривожланишидаги навбатдаги қадам бўлиши мумкин.

Мен учун бу ҳам муҳим, чунки бу фаолиятимдаги янги чемпионат. «Барселона» билан шу йўналишда ҳаракат қилаётганимиздан жуда мамнунман.

Клубдаги муаммоларга қарамай, бизда катта салоҳият бор», - деди Левандовски.