Лионель Месси иштирокидаги трансфер достони қизишда давом этмоқда. Миш-мишлар аргентиналик юлдузни "Ал-Ҳилол" билан фаол боғламоқда - саудияликлар Мессига катта пул тўлашга тайёр.

L'Equipe хабарига кўра, Мессининг атрофидагилар "Ал-Ҳилол"нинг трансферига оғзаки розилик билдиришган. Бироқ томонлар ўртасида ҳеч қандай ҳужжат имзоланмаган. 35 ёшли футболчи қарор қабул қилишдан олдин мавсум охиригача кутишни афзал кўради.

Қайд этилишича, Месси ҳали “Барселона”га қайтиш фикридан воз кечмаган. Футболчи кутмоқчи ва каталонияликларда уни қўлга киритиш учун маблағлари бор-йўқлигини билиб олмоқчи. Бир сўз билан айтганда, Лео "кўк-анорранглилар"дан сигнал кутмоқда.

Амалдаги шартнома Лионель Мессини "ПСЖ" билан июнь ойи охиригача боғлайди.