Lionel Messi ishtirokidagi transfer dostoni qizishda davom etmoqda. Mish-mishlar argentinalik yulduzni "Al-Hilol" bilan faol bog‘lamoqda - saudiyaliklar Messiga katta pul to‘lashga tayyor.

L'Equipe xabariga ko‘ra, Messining atrofidagilar "Al-Hilol"ning transferiga og‘zaki rozilik bildirishgan. Biroq tomonlar o‘rtasida hech qanday hujjat imzolanmagan. 35 yoshli futbolchi qaror qabul qilishdan oldin mavsum oxirigacha kutishni afzal ko‘radi.

Qayd etilishicha, Messi hali “Barselona”ga qaytish fikridan voz kechmagan. Futbolchi kutmoqchi va kataloniyaliklarda uni qo‘lga kiritish uchun mablag‘lari bor-yo‘qligini bilib olmoqchi. Bir so‘z bilan aytganda, Leo "ko‘k-anorranglilar"dan signal kutmoqda.

Amaldagi shartnoma Lionel Messini "PSJ" bilan iyun oyi oxirigacha bog‘laydi.