"Барселона" ҳимоячиси Жорди Альба ёзда каталонияликлар жамоасини тарк этиш ҳақида жиддий ўйлай бошлади. Журналист Хави Мигелнинг сўзларига кўра, испаниялик аввалроқ клубини ўзгартиришни истамаган, бироқ раҳбариятнинг маошни камайтириш мақсадида футболчини сотиш истаги Жордининг келажаги ҳақидаги фикрларига таъсир қилган.

Альбанинг "Барселона" билан келаси мавсум охиригача шартномаси бор, унга кўра ҳимоячи Роберт Левандовски билан учинчи қаторни бўлишиб, жамоадаги энг кўп маош олувчи футболчиларнинг тўртлигига киради.

Аввалроқ Жорди Саудия Арабистонига кўчиб ўтиши мумкинлиги айтилган эди, унинг хизматларига "Ал-Ҳилол" қизиқмоқда.