Роберт Левандовски ва Рональд Араухо "Барселона"нинг янги сардори бўлиши мумкин.
Мавсум якунида ярим ҳимоячи Серхио Бускетс "Барса"ни тарк этгач, ҳимоячи Серхи Роберто каталонияликларнинг биринчи сардорига айланади.
Бу мавсумда "кўк-анорранглилар" сардорлари Бускетс ва Робертодан ташқари Жорди Альба ва Марк-Андре тер Штеген эди.
Альбанинг клубдаги келажаги ҳали ҳам ноаниқ, аммо у "блауграна"да ўйнашда давом этса ҳам, жамоа тўртинчи сардорни танлаши керак бўлади.
Бу ролга икки футболчи даъво қилмоқда - ҳужумчи Роберт Левандовски ва ҳимоячи Рональд Араухо. Польшалик ҳам, уругвайлик ҳам мураббий Хави томонидан тўрт нафар сардорга қўшилиш учун маъқулланган.
Барселонадаги мавсумолди йиғинда тўртинчи сардорни танлаш бўйича овоз берилади. Агар Альба клубни тарк этса, у ҳолда Левандовски ва Араухо тўртта сардор сафига овозсиз киради.
Муайян қўлларда сардорлар квартетига яна битта ўйинчи кириши мумкин. Гап "Барса"да сардорлик боғичини тақиш истагини билдирган Усмон Дембеле ҳақида кетмоқда. Бироқ жараённинг барча иштирокчиларига фақат Левандовски ва Араухо мос келади, шунинг учун улардан бири ёки иккаласи албатта жамоада янги мақом олади.
