"ПСЖ" ҳужумчиси Неймар ёзда "Барселона"га қайтмайди.
Журналист Альфредо Мартинеснинг сўзларига кўра, бразилиялик футболчи келаси мавсумни кучайтириш вариантларидан бири сифатида "Барселона" клубида муҳокама қилинмаган.
Неймар айни дамда "ПСЖ"да қийин аҳволда. Парижликлар раҳбарияти 2017 йилда рекорд даражадаги 222 миллион евро тўланган футболчидан қутулмоқчи. Бразилиялик футболчининг ўзи ҳам клубини ўзгартиришга қарши эмас. Аввалроқ Неймар хизматларига Англия Премьер-лигаси клублари қизиқиш билдираётгани ҳақида хабар берилганди.
Эслатиб ўтамиз, Неймар жароҳати сабаб ушбу мавсумнинг қолган қисмини ўтказиб юборади.