"Арсенал"нинг собиқ бош мураббийи Арсен Венгер "Тоттенхэм" ҳужумчиси Харри Кейннинг келажаги ҳақида фикр билдирди.
"Кейн "Тоттенхэм"га сўнгги имкониятни бериши керак ва шундан кейин у кетиши керак. Менимча, у 80 миллион фунт стерлингдан камига кетиши мумкин эмас. Бундай савиядаги ҳужумчиларни топишнинг деярли имкони йўқ", - деди Венгер BelN Sport билан суҳбатда.
Эслатиб ўтамиз, Кейн 2011 йилнинг январидан бери "Тоттенхэм"да ўйнаб келмоқда. Томонлар ўртасидаги амалдаги шартнома келаси йилнинг июн ойи охирида якунига етади.
29 ёшли тўпурар жорий мавсумда АПЛда 35 та ўйинда майдонга тушиб, 26 та гол урди ва 3 та голга ассистентлик қилди.
