«Челси»нинг бўлажак бош мураббийи Маурисио Почеттино Лондон клуби раҳбариятига қайси позицияларни мустаҳкамламоқчи эканлигини айтди.
Айни дамда Фрэнк Лэмпард - «кўклар» бош мураббийи вазифасини бажарувчи бўлиб турибди.
Daily Mail хабарига кўра, 51 ёшли мутахассис агар «Челси»га ўтса, янги дарвозабон, марказий ярим ҳимоячи ва ҳужумчи билан шартнома имзоламоқчи.
Манбанинг хабар беришича, аргентиналик мураббийни ҳозирги дарвозабонлар Кепа Аррисабалага ва Эдуар Мендилар қониқтирмайди.
Почеттино майдон марказида янги ўйинчиларни кўрмоқчи, чунки у Ковачич, Канте, Галлахер ва Маунтнинг келажакдаги режалари ҳақида билмайди.